MANILA, Philippines – Itinakda na sa Konstitusyon ang voting threshold sa pagpapanagot sa impeachment, ayon kay Vice President Sara Duterte nitong Biyernes, Setyembre 11.
Sa ambush interview, sinabi ni Duterte na hindi na kailangang pag-usapan ang isyu sa kinakailangang bilang ng mga boto.
“’Yung threshold naman, nadesisyunan na ‘yun sa unang-una pa lang na susundin ang Konstitusyon,” ani Duterte.
“So ibig sabihin, ngayon na nagbago ‘yung usapan, ibig sabihin ay babaguhin nila. Bakit pa ba natin pag-uusapan ‘yun kung hindi naman babaguhin, ‘di ba?” dagdag pa niya.
Kamakailan ay kinwestyon ni Senador Erwin Tulfo kung paano maaabot ang 16-vote threshold para sa conviction kung hindi nakakadalo ang mga senador sa impeachment proceedings.
Ani Senador JV Ejercito at Senador Raffy Tulfo, nais nilang ang Korte Suprema na lamang ang magresolba ng usapin. RNT/JGC
