MANILA, Philippines – Hindi nagpalit ng tagapagsalita ang Korte Suprema sa pagpasok ng bagong liderato.
Pinanatili ni Chief Justice Rodil Zalameda si Atty. Camille Ting bilang spokesperson ng Supreme Court, ayon sa kumpirmasyon ng SC Public Information Office.
Isang makasaysayang pagpapatuloy ito.
Si Ting ang kauna-unahang babae na humawak sa pwesto, matapos ang apat na lalaking naunang spokesperson ng Korte.
Hindi ito biglaang pag-angat. Sa loob ng 14 na taon ay bumuo ito ng karera sa loob mismo ng hudikatura.
Nagsimula siya noong 2012 bilang news analyst sa SC Public Information Office, matapos magtapos ng second honor sa Ateneo de Manila University School of Law.
Pansamantala siyang lumiban para sa 2012 Bar Examinations, at bumalik bilang executive assistant sa Office of the Court Administrator.
Noong 2021, naging Judicial Staff Head siya ng Supreme Court — bago tuluyang italaga bilang mukha at tinig ng Korte sa publiko.
Ang pagpapanatili sa kanya sa ilalim ni Zalameda, na itinalaga ni Pangulong Bongbong Marcos kapalit ng nagretirong si dating Chief Justice Alexander Gesmundo, ay senyales ng pagpapatuloy sa komunikasyon ng Korte sa gitna ng pagbabago ng liderato. Jocelyn Tabangcura-Domenden
