MANILA, Philippines – Inirekomenda bilang bagong tagapagsalita ng Metropolitan Manila Development Authority (MMDA) ang aktres na si Ria Atayde.
“I personally recruited Miss Ria Atayde, who graciously agreed,” sinabi ni MMDA Chairperson Romando Artes nitong Biyernes, Mayo 19.
“I submitted yung application and endorsement sa Malacanang for Miss Atayde to be the spokesperson ng (of the) MMDA,” dagdag niya.
Pasok umano ang kwalipikasyon ni Atayde sa tungkulin sa MMDA bilang siya ay nakapagtapos ng Communication Arts, may work experience, at sa kanyang status bilang artista ay mas magiging epektibo ito.
Sa kasalukuyan ay si Atty. Mel Carunungan ang tagapagsalita ng MMDA sa officer-in-charge capacity.
“Meron kasing posisyon dito na [Assistant Secretary] level na spokesperson na previously held by Miss Celine Pialago,” ani Artes. RNT/JGC
