MANILA, Philippines- Inanunsyo ng Professional Regulation Commission (PRC) ang schedule at venue para sa face-to-face mass oathtaking para sa mga bagong Professional Teachers sa pamamagitan ng Facebook post noong Huwebes, Mayo 25.
Ang mga sumusunod na lugar ng pagdarausan ng kaganapan ay sa Tacloban Astrodome sa Tacloban City sa Hunyo 8; Mega Gym, Provincial Government Center, Pagadian City sa Hunyo 10; Zamboanga Coliseum, Zamboanga City sa Hunyo 12; Cagayan State University, Andrews Campus Gym, Tuguegarao City sa Hunyo 17; at Bohol Wisdom College, Tagbilaran City, Bohol sa Hunyo 30.
Samantala, karamihan sa mga oathtaking event ay naka-iskedyul sa Hulyo, habang ang Unibersidad ng San Jose Recoletos sa Cebu City ay nakatakdang simulan ang nasabing kaganapan sa Hulyo 1, na susundan ng Atrium Limketkai Center, Cagayan De Oro, sa Hulyo 2.
Ang mga sumusunod na lugar ay magiging host ng programa sa nasabi ding buwan: Urdaneta City Cultural and Sports Complex, Urdaneta, Pangasinan, sa Hulyo 8; Easter College, Baguio City, sa Hulyo 9; Bren Z. Guiao Convention Center, San Fernando, Pampanga, sa Hulyo 15; Albay Astrodome, Legazpi City, sa Hulyo 16; Quezon Convention Center, Lucena, Quezon sa Hulyo 21; Iloilo Convention Center, Iloilo City sa Hulyo 23; University of Mindanao, Matina Gym, Davao City sa Hulyo 30; at South Cotabato Gymnasium and Cultural Center, Koronadal City sa Hulyo 31.
Ang oathtaking naman sa Agosto 5 at 6 ay gagawin sa Plenary sa Philippine International Convention Center (PICC) sa Pasay City.
Sinabi ng PRC na sa Licensure Examination for Professional Teachers (L.E.P.T.) na ibinigay noong Marso 23, mahigit 24,819 elementary teachers at 48,005 secondary teachers ang matagumpay na nakapasa sa assessment.
Ang mga pumasa ay inaasahang manunumpa sa mga nakatakdang kaganapan.
Lahat ng pumasa ay dapat magparehistro sa opisyal na website ng PRC, http://online.prc.gov.ph, bago mag-tanghali ng araw bago ang nakatakdang petsa upang mai-book ang kanilang pagdalo.
Dahil face to face isasagawa ang oathtaking, ipinag-utos ng PRC alinman sa vaccination card o negatibong RT-PCR na kinuha 48 oras bago ang seremonya para sa mga inductees kasama ang kanilang naka-print na Oath Form mula sa pagpaparehistro.
Samantala, para sa mga hindi makakasali sa face-to-face na seremonya, pinapayagan sila ng PRC na makasali virtually o humiling ng isang espesyal na appointment para mag-pledge pagkatapos ng lahat ng mass-scheduled na mga kaganapan.
Gayundin, iminungkahi ng PRC ang mga pumasa sa LEPT na maghain ng kanilang attendance form sa rehiyon kung saan sila kumuha ng eksaminasyon.
“It is advised that inductees register and confirm their attendance in the regions where they took their licensure examination and intend to register as professionals,” sabi ng PRC.
Bilang karagdagan, ang mga inductees mula sa National Capital Region (NCR) ay maaring makakuha ng ticket sa Arellano University Manila mula Hunyo 5 Hanggang Agosto 4. Jocelyn Tabangcura-Domenden
