Alden, pinagsabihan na ang maangas na handler!

Manila, Philippines- Malaki ang naitulong ng online showbiz program na Showbiz Now Na para makarating sa kaalaman ni Alden Richards ang mga bagay na maaaring hindi siya aware.

Isa na nga rito ang umano’y pagiging maangas ng handler ng aktor.

Finally, pinangalanan na ng SNN main host na si Cristy Fermin ang inirereklamong handler ni Alden.

Sam daw ang pangalan nito, at senior artist handler ang katungkulan sa Sparkle Artist ng GMA.

Sa pakikipag-usap ni Cristy kay Alden, inamin ng Kapuso actor na Sam nga ang pangalan ng kanyang handler.

Tumayming daw muna si Cristy dahil noong time na ibinalita nila ‘yon sa SNN ay abala pa sa shoot si Alden sa pelikula nila ni Julia Montes.

Nangako naman si Cristy sa mga SNN viewers that as soon as she spoke to Alden ay ibabalita niya ito sa nasabing programa.

Katwiran ni Cristy, hindi naman daw si Sam ang nasisira sa mga palsong pinaggagawa nito kundi ang mismong artistang naatasan niyang i-handle, at si Alden nga ‘yon.

Kilalang-kilala kasi ni Cristy ang aktor sa pagiging mabait, magalang at press-friendly nito, isang magandang imaheng nakakaapekto sa pagiging maangas nu’ng Sam na handler niya.

Ani Alden kay Cristy ay pinagsabihan na niya si Sam.

Pero dagdag pang payo ni Cristy, dapat daw ay malaman ng Sam na ‘yon kung kailan nagsisimula at nagtatapos ang kanyang trabaho bilang handler.

Kadalasan daw kasi sa mga handler, ang tingin nila sa kanilang mga sarili ay mga artistang hina-handle nila sa halip na tumutok kung ano lang ang hinihingi ng kanilang trabaho.

Bago si Sam, ang tumatayong handler ni Alden ay nagngangalang Tenten.

Nagkasakit nga lang daw ito kaya
kailangang magpahinga at ipasa kay Sam ang trabaho bilang handler.

Dahil napagsabihan na ni Alden ang handler niyang si Sam, inaasahang matutuldukan na ang feeling high and mighty na pakiramdam nito or else ay nanganganib siyang mawalan ng trabaho. Ronnie Carrasco III