MANILA, Philippines – Bahagyang tumaas ang lebel ng tubig sa Angat Dam dahil sa mga pag-uulang dulot ng Tropical Storm Dodong, ayon sa ulat ng Philippine Atmospheric, Geophysical and Astronomical Services Administration (PAGASA) nitong Sabado, Hulyo 15.
Iniulat ng weather bureau ang 46-sentimetro na pagtaas sa Angat mula noong Hulyo 14 (mula 178.02 metro hanggang 178.48 m) sa inilabas nitong bulletin.
Gayunpaman, nanatili itong mas mababa sa 180 m, ang pinakamababang antas ng operating para sa Angat.
Samantala, tumaas din ang antas ng tubig sa Ipo at Magat dam dahil sa bagyong “Dodong.”
Ang Ipo ay tumaas ng 88 cm (mula 99.15 m hanggang 100.03 m), habang ang Magat –na matatagpuan sa Isabela, kung saan nag-landfall ang bagyo–ay tumaas sa163.56 m mula sa 162.63 noong Hulyo. 14.
Para sa iba pang pagtaas ng antas ng tubig sa ibang dam, Lamesa (26 cm), Binga (45 cm), San Roque (34 cm), at Pantabangan (59 cm).
Samantala, bumaba naman ng 11 sentimetro at 79 sentimetro ang lebel ng tubig sa Caliraya at Ambuklao. RNT
