MANILA, Philippines- Inihayag ni Finance Secretary Benjamin E. Diokno ang kanyang pag-endorso kay National Economic and Development Authority (NEDA) Secretary Arsenio M. Balisacan bilang “strong contender” para sa papel ng Department of Agriculture (DA) chief.
Sa Chat with SBED nitong Biyernes, pinalitaw ng mga mamamahayg ang ideya na si Balisacan ang posibleng italagang agriculture secretary, ang mungkahi na ayon kay Diokno ay isang “sound proposal.”
Binigyang-diin ng finance chief ang pagiging pamilyar ni Balisacan sa agricultural sector at kanyang karanasan sa departamento.
Inilahad ni Diokno na personal niyang inihayag nang maraming beses ang kanyang pag-endorso kay Balisacan, at binigyang-diin ang paniniwala niyang angkop ito sa agriculture secretary role.
Matatandaang may karanasan na si Balisacan bilang agriculture undersecretary sa termino ni dating Senator Edgardo Angara at dating Pangulong Gloria Macapagal-Arroyo, kapwa naging DA secretaries.
Gayundin, akma ang educational background ni Balisacan sa kanyang credentials, na nakumpleto ang kanyang undergraduate studies in Agricultural Economics sa Don Mariano Marcos Memorial State University bago muling mag-aral sa University of the Philippines Los Baños.
Matatandaang sinabi ni Pangulong Ferdinand Marcos Jr., kasalukuyang chief DA, na hindi siya magtatalaga ng kalihim hangga’t hindi pa niya natatapos ang “all the hard things.” RNT/SA
