ILOCOS SUR – Isang bangkay ng lalaki ang natagpuang palutang-lutang sa Abra River sa Brgy. Aluling, Cervantes ng lalawigang ito kahapon, Hunyo 22.
Kinilala ng Cervantes Municipal Police Station ang biktima na si Sherwin Layog y Angayen, 25, walang asawa, residente ng naturang barangay.
Bandang 8:45 ng umaga kahapon nang makatanggap ang Cervantes MPS ng impormasyon tungkol sa nakitang bangkay ng lalaki na palutang-lutang sa nasabing ilog.
Agad namang rumesponde ang mga otoridad para beripikahin ang naturang report.
Sa pakikipag-usap ng mga otoridad sa nanay ng biktima, sinabi nito na umalis ang kanyang anak sa kanilang bahay noong 4:00 ng madaling-araw ng Hunyo 20 at nagpunta sa ilog para manghuli ng isda.
Gayunman, hindi na nakauwi ng bahay ang biktima.
Ang biktima ay isa umanong mentally challenged. Rolando Gamoso
