MANILA, Philippines – Sumadsad malapit sa pampang ang isang barko sa bahagi ng karagatan ng Sitio Crossing, Barangay Poblacion, Morong, Bataan nitong Biyernes ng umaga, Hulyo 14.
Ayon sa Philippine Coast Guard (PCG), inihayag ng tatlong crew na ang MT Lake Caliraya na isang motor tanker ay walang dalang langis at sumadsad dahil sa lakas ng alon habang hinihila patungong Subic, Zambales.
Sa ngayon, sinabi ng PCG na kasalukuyan nagsasagawa ng rescue operation at imbestigasyon ang PCG Station Bataan.
Nakikipag-ugnayan na rin umano ang PCG sa tugboat-in-charge para sa agarang paghatak sa barko mula sa pagkakasadsad sa nasabing baybayin.
Gayundin, nakikipag-ugnayan na ang PCG sa iba pang concerned government agencies at units.
Sinasabing palulubugin sana ang naturang barko ng US at Philippine marines bilang bahagi ng kanilang maritime exercise. Jocelyn Tabangcura-Domenden
