Batangas, nilindol

MANILA, Philippines – Niyanig ng magnitude 2.8 na lindol ang Malvar, Batangas nitong Lunes ng umaga, Mayo 22.

Sa ulat ng Philippine Institute of Volcanology and Seismology, ang sentro ng lindol ay naitala 2 kilometro timog ng Malvar, Batangas.

Ang lindol ay may lalim na 32 kilometro at tectonic in origin.

Bagama’t mahina lamang ang naganap na lindol bandang 11:43 ng umaga, naramdaman ito ng malaking bahagi ng probinsya ng Batangas at kalapit na mga probinsya.

Wala namang inaasahang aftershock kasunod ng lindol at wala ring matinding naging pinsala. RNT/JGC