MANILA, Philippines – Muling sinuspinde hanggang Hunyo 9 ang visitation privileges ng mga person deprived of liberty (PDLs) sa maximum-security compound ng New Bilibid Prison (NBP) sa Muntinlupa City.
Sa post nito sa social media, hindi sinabi ng Bureau of Corrections (BuCor) – na namamahala at nangangasiwa sa NBP at anim na iba pang detention facility sa bansa – ang dahilan ng pagsususpinde.
“Pansamantala pong kinakansela ang pag-bisita sa Maximum Security Compound, New Bilibid Prison mula Hunyo 2-9, 2023. ”
Pinayuhan nito ang mga kaanak ng mga PDL na suriin ang mga post nito sa social media para sa karagdagang anunsyo.
Ang mga pribilehiyo sa pagbisita ng mga PDL kapwa sa NBP at sa Correctional Institution for Women (CIW) sa Mandaluyong City ay naibalik noong Mayo 25 matapos ang dalawang linggong suspensiyon dahil sa impeksyon sa Covid-19 sa mga PDL at tauhan.
Ang May 25 restoration of visitation privileges ay iniutos ni BuCor Director General Gregorio Pio P. Catapang Jr. matapos siyang makatanggap ng mga ulat mula sa BuCor’s Health and Services Director CT/SSupt. Maria Cecilia Villanueva at CIW Superintendent CT/Supt. Elsa A. Alabado na ang parehong mga pasilidad ay “ngayon ay Covid-free.” RNT
