MANILA, Philippines- Inihayag ng Bureau of Fisheries and Aquatic Resources (BFAR) nitong Martes na ang “no trespassing” policy ng China sa South China Sea, kung saan ilang bahagi ang saklaw ang exclusive economic zone ng Pilipinas, ay walang epekto sa fisheries production ng bansa.
“In terms of production, yes, the contribution of the West Philippine Sea is significant in terms of our national fisheries production,” pahayag ni BFAR spokesperson Nazario Briguera sa Kapihan sa Bagong Pilipinas forum sa Quezon City.
“But we don’t see the unilateral declaration of China will actually create impact in terms of production because first and foremost we don’t recognize this declaration,” dagdag ni Briguera.
Nauna nang inihayag ng BFAR na kumakatawan ang West Philippine Sea sa 6% hanggang 7% ng kabuuang fisheries sector ng Pilipinas. Halos 400,000 mangingisda rin ang nasa territorial waters.
Gayundin, sinabi ng Philippine Coast Guard (PCG) na dumami ang bilang ng Filipino fishing boats sa Scarborough Shoal o Bajo de Masinloc sa gitna ng implementasyon ng “no trespassing” policy ng China, na nagbabantang ididitene ang mga dayuhan sa South China Sea.
“First and foremost, the Philippines does not recognize this unilateral declaration of China. The Philippines will continue to fish in the West Philippine Sea because this is part of our exclusive economic zone,” wika ni Briguera.
“For now, we have not received reports that our fishermen are being arrested, but if they do so… this would be another provocation on the part of China and this is a new violation of the international law, particularly UNCLOS (United Nations Convention on the Law of the Sea),” ayon pa sa BFAR official.
Inaangkin ng China ang halos kabuuan ng South China Sea.
Pinairal ng Beijing ang isang resolusyon noong Hunyo 15, kung saan inaatasan ang coast guard nito na iditene nang walang paglilitis ang mga dayuhang manghihimasok sa South China Sea.
Hindi naman kinikilala ng Pilipinas ang nasabing polisiya.
Noong 2016, nagpalabas ng hatol ang international arbitration tribunal sa The Hague na nagsasabing ang claims ng China sa South China Sea ay walang legal na basehan, desisyong hindi kinikilala ng Beijing. RNT/SA
