MANILA, Philippines – NAKATAKDANG makipagkasundo ang pamunuan ng Bureau of Immigration (BI) sa mga travel agency sa bansa upang palakasin ang kampanya para masugoo ang human trafficking.
Ayon kay BI Commissioner Norman Tansingco, layon ng nakatakdang memorandum of agreement (MOA) na palakasin ang pangako ng pribadong sektor sa pagsugpo sa mga aktibidad ng trafficking.
Ang kahalintulad na kasunduan ay plano din isagawa sa mga airline at shipping company.
“This is inspired by the US model, where airline employees play a crucial role in reporting potential cases of trafficking,” ani Tansingco.
“We recognize the immense value of partnerships between law enforcement agencies and the private sector. As seen in incidents in the US, collaborations among agencies is instrumental in identifying and preventing trafficking incidents,” dagdag pa ng BI Chief.
Ang kasunduan ay tututuon sa tatlong hakbangin katulad ng pag-uulat ng mga kaso ng trafficking sa Inter-Agency Council Against Trafficking (IACAT), pagpigil sa paglaganap ng mga pekeng dokumento, at pagtiyak ng wastong pagpapakalat ng impormasyon hinggil sa mga immigration requirements.
“Combating human trafficking requires a collective effort from all sectors. This is a call for unity and collaboration among public and private stakeholders to protect the vulnerable and eradicate human trafficking,” ani Tansingco.
“This MOA represents a significant stride towards achieving these shared goals,” dagdag pa ng opisyal. Jay Reyes
