MANILA, Philippines- Matapos ang sunod-sunod na oil price hike, magandang balita naman sa mga motorista ang hatid ng mga kompanya ng langis sa bansa dahil magpapatupad naman sila ng malakihang bawas presyo sa mga produktong petrolyo epektibo bukas.
Sa abiso ng mga kompanya ng langis sa bansa na pinangunahan ng Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz at Phoenix Petroleum, magpapatupad sila ng big time oil price rollback na P2.10 sa kada litro ng gasolina, P3.00 sa kada litro ng diesel, at P2.30 sa kada litro ng kerosene na naging epektibo alas-6 ng umaga.
May malakihang bawas presyo din sa kahalintulad na halaga ng mga produktong petrolyo ang kompanyang Caltex (CPI) at CleanFuel na naging epektibo alas-12:01 ng madaling araw.
