Manila, Philippines- May katapat na si Boss Vic del Rosario ng Viva Films bilang pursigidong bisnesman sa pagpo-produce ng mga pelikula, ke may pandemic man o wala. Siya ay walang iba kundi si Jojo Flores with matching wife Maricar Moina aka Angel Flores of Jams Artist Productions and Jamsap Entertainment Corporation.
At hindi lang pag-produce ng mga pelikula kundi pati TV shows at TV series ay balak rin nilang pasukin kung papayag ang mga bossings ng Kapuso Network, TV5 at Kapamilya na makipag-collab sa kanila.
Bukod dito ay bibili rin sila ng Apps via streamline or sa Netflix para maipalabas din sa mga ito ang kanilang mga gagawing projects.
Nagsimula lang sina Jojo at Maricar bilang talent suppliers sa mga network pero kalaunan ay nagtayo sila ng acting workshop.
Maraming kawikaan si Jojo para matupad lahat ang kanilang pangarap na mag-asawa. At ito ay binatay niya sa ginawa niyang official video ng kanilang productions that goes, “Sa bawat pangarap na dala ng mundo…sana huwag hatakin ng pagsuko kundi laging ilagay sa isip ninyo na may liwanag sa dilim na dala ng iyong kuwento.
“Kung tayo’y nakadaranas ng paghihirap ngayon, tayo’y lumaban at hindi dapat tayo sumuko. Umiikot ang mundo at pagkakataon, darating ang araw na papabor ito sa iyo.
“Lagi nating tandaan na ang bawa’t isa ay may angking galing, talino at talento na bigay ng Maykapal.
“Ang tunay na sikreto ng tagumpay ay ang pagsisikap ..at patuloy na pagbangon sa lahat ng bagay…tayo mismo ang magsisilbing liwanag sa ating mga pangarap upang ito ay ating makamtam. Ito ang kuwento ng ating mga pangarap at bagong pag-asa.”
So very true. Kaya naman nang inalok namin na sila ang mag-produce ng 35th PMPC Star Awards For TV ay nag-yes agad si Jojo hindi lamang para kumita kundi for more exposure daw lalo na sa kanilang mga Jams Artist models, singers, would be actors and actress.
And in pernes ay naging very successful naman ang nasabing event na dinaluhan ng mga big celebrities tulad nina QC Mayor Joy Belmonte, Raffy Tulfo, Kuh Ledesma, Connie Angeles, Lani Misalucha and a lot more. Ang nagsilbi namang mga hosts ay sina Pops Fernandez, Aiko Melendez at John Estrada.
Umabot rin ng milyones ang nagastos ng Jams Artist Production at Jamsap Entertainment sa ginanap na 35th PMPC Star Awards For TV pero ayon mismo kay Jojo, hindi sila susuko tulad nang hindi pagsuko ni Boss Vic del Rosario of Viva Films na kahit sa kasagsagan ng pandemic ay kada linggo gumagawa ng mga pelikula para sa kanilang Vivamax Films streamline, at ngayon nauman ay tututok sa paggawa ng mga primetime projects para sa Viva Prime.
At kung kailan naman muling bubuksan ni Mother Lily ang kanilang Regal Films Production ay palaisipan or titigil na sila sa paggawa ng mga pelikula.
Well, may saying nga na kung gusto may paraan, kung ayaw ay may dahilan. Boom, ganernn! Mercy Lejarde
