MANILA, Philippines – Nanguna ang mga alkalde ng mga lungsod ng Candon sa Ilocos Sur, Caloocan, Malabon at Navotas bilang “top performing first-term city mayors” sa bansa sa isinagawang survey ng RP-Mission and Development Foundation Inc. (RPMD) mula Pebrero hanggang Marso 2023.
Sinabi ng RPMD na ang survey ay ginanap noong Pebrero 25 hanggang Marso 8.
Sinakop nito ang lahat ng lungsod sa mga rehiyon sa bansa at nilahukan ng 10,000 rehistradong botante na random na pinili.
Kabilang sa mga parameter ng survey ay ang pagganap ng mga alkalde sa pagpapatupad ng patakaran, paghahatid ng serbisyo, pamamahala sa pananalapi, pakikilahok ng stakeholder, transparency, mga hakbang laban sa katiwalian, relasyon sa publiko at mga aktibidad sa pagpapaunlad ng komunikasyon.
Sa survey, nakakuha si Caloocan City Mayor Dale Gonzalo Malapitan ng 91.8 percent job performance rating; Si Malabon City Mayor Jeannie Sandoval ay nakakuha ng 91.99 percent; habang nakakuha naman ng 91.82 percent si Navotas City Mayor John Rey Tiangco.
Ayon sa RPMD, statistically tie ang tatlong alkalde sa numero unong puwesto, kasama si Candon City (Ilocos Sur) Mayor Eric Singson na nakakuha ng rating na 92.80 percent.
Samantala, nagpasalamat din sina Tiangco at Sandoval sa kanilang mga nasasakupan sa mataas na job performance rating na kanilang natanggap bilang mga first-term mayor sa kani-kanilang lungsod.
Tie naman sa ikalawang puwesto sina Cavite City Mayor Denver Chua at Ozamis City (Misamis Occidental) Mayor Indy Oaminal Jr. na may job perfomance ratings na 88,85 percent at 88.78 percent, ayon sa pagkakasunod.
Tumabla sa ikatlong puwesto sina Ormoc City, Leyte Mayor Lucy Torres-Gomez (87.91 percent), Legazpi City, Albay Mayor Geraldine Rosal (87.55 percent); at Santiago City, Isabela Mayor Sheena Tan (87.42 percent).
Ang RPMD ay isang non-government na organisasyon na naglalayong magbigay ng tuluy-tuloy na stream ng tumpak na data at mga insight na may layunin para sa mga kumpanya, gobyerno, at institusyon na kumilos nang maagap upang mas mahusay na mapaglingkuran ang mga tao sa mga komunidad. RNT
