Casiguran nabilad sa nakamamatay na init

MANILA, Philippines – Nakaranas ng nakamamatay na init ang Casiguran, Aurora noong Martes matapos na maitala ang heat index na 48 degrees Celsius.

Ito na ang ikatlong pinakamataas na naitala sa bansa ngayong taon, ayon sa Philippine Atmospheric, Geophysical and Astronomical Services Administration (Pagasa).

Ang record-high heat index, na naitala noong 2:00 p.m., ay nasa ilalim ng kategoryang “dangerous”, na mula 42 degrees Celsius hanggang 51 degrees Celsius.

Mas mababa lamang ang heat index ng Casiguran sa 50 degrees Celsius na naitala sa Legazpi City at 49 degrees Celsius sa Aparri, Cagayan; Butuan City, Agusan del Norte at Guiuan, Eastern Samar.

Sinabi ng state weather bureau na ang heat index sa ilalim ng kategoryang “dangerous” ay malamang na magdulot ng heat cramps at heat exhaustion, habang ang heat stroke ay posibleng may patuloy na pagkakalantad sa init at araw.

Sinusukat ng heat index ang antas ng discomfort na nararanasan ng isang karaniwang tao dahil sa pinagsamang epekto ng temperatura at halumigmig ng hangin. RNT