MANILA, Philippines – Iniulat ng PAGASA na ang bagyong Chedeng ay mas bumilis pa pero ito ay papalayo na sa lupain ng Pilipinas nitong Linggo, habang patuloy namang makapagpapaulan ang Habagat.
Sa pahayag ng PAGASA, ang Chedeng ay tinatayang nasa 990 km silangan ng Extreme Northern Luzon ng alas-4 ng umaga.
Patuloy itong humihina, mayroong maximum na sukat na hangin na umaabot sa 130 km/h malapit sa sentro, may pagbugso na umaabot sa 160 km/h, at may sentral na presyon na 970 hPa.
Ang Chedeng ay kumikilos sa bilis na 20 km/h patungong hilagang-silangan.
“Ang Chedeng ay malamang na hindi magdadala ng malalakas na pag-ulan sa bansa sa susunod na 3 araw,” ayon pa sa PAGASA.
“Gayunpaman, ang Habagat na pinatindi ni Chedeng ay magdadala ng paminsan-minsang hanggang sa monsoon na mga ulan sa kanlurang bahagi ng Luzon at Visayas sa susunod na 3 araw,” dagdag pa nito.
Inaasahan na ang Zambales at Bataan ay may 100 hanggang 200 mm ng ulan sa Linggo at hanggang Lunes ng gabi.
Samantala, ngayong Linggo, ang Pangasinan, Metro Manila, Bulacan, Occidental Mindoro, ang hilagang bahagi ng Palawan kabilang ang mga isla ng Calamian at Cuyo, at Antique ay magkakaroon ng 50 hanggang 100 mm ng ulan.
Inaasahan naman na ang Ilocos Region, Apayao, Abra, Zambales, Bataan, at Occidental Mindoro ay magkaroon ng 50-100 mm ng ulan mula Lunes ng gabi hanggang Martes ng gabi.
Maaring maganap ang pagbaha at pagguho ng lupa dulot ng ulan, lalo na sa mga lugar na madalas tamaan ng mga panganib na ito, ayon sa PAGASA. RNT
