SAN FRANCISCO— Tinapos ng Golden State Warriors ang kanilang trade sa Wizards para kay guard Chris Paul, ipinadala sina forward Patrick Baldwin Jr. at guards Jordan Poole at Ryan Rollins sa Washington kasama ang isang pares ng draft pick.
Makatatanggap ang Wizards ng 2027 second-round selection at 2030 first-round choice, sinabi ng team sa pag-anunsyo ng swap.
Pinapirma rin ng Golden State ang beteranong free agent guard na si Cory Joseph.
Isang 12-time All-Star, ang 38-anyos na si Paul ay nakatakdang umakma at mag-pressure sa Splash Brother tandem nina Stephen Curry at Klay Thompson habang nagsusumikap ang Warriors na habulin ang isa pang kampeonato.
Matapos manalo ng titulo noong 2022, natalo ang Golden State sa Western Conference semifinals kay LeBron James at sa Lakers.
Naabot ni Draymond Green noong nakaraang linggo ang kasunduan sa isang bagong $100 milyon, apat na taong kontrata.
Nakuha ng Washington si Paul mula sa Phoenix Suns noong Hunyo 24.
Nag-average ang point guard ng 13.9 points, 8.9 assists, 4.3 rebounds at 1.54 steals sa loob ng 32.0 minuto habang sinisimulan ang lahat ng 59 laro na nilaro niya para sa Phoenix noong nakaraang season.
Ang 31-anyos na si Joseph ay nag-average ng 6.9 puntos, 3.5 assists at 1.7 rebounds na naglalaro ng 19.8 minuto sa loob ng 62 laro na may dalawang simula para sa Pistons noong nakaraang season.
Na-draft ng Spurs na ika-29 sa pangkalahatan noong 2011, si Joseph ay naglaro din sa Spurs, Toronto, Indiana at Sacramento sa loob ng 12 season.JC
