DUMALO si Games and Amusements Board (GAB) Chairman Atty. Richard S. Clarin sa Senate deliberation para sa 2024 Proposed National Budget, partikular sa budget ng GAB para sa susunod na taon, nitong Setyembre 12.
Kalmado at buong tiwalang sinagot ni Chairman Clarin ang mga katanungan ng Senado kaugnay sa regulasyon sa professional sports at mga palaro, maging ang operasyon ng GAB kontra mga iligal na gambling operations sa bansa.
Buo ang pasasalamat ni Chairman Clarin sa Budget Sponsor ng GAB na si Senator Christopher Lawrence “Bong” T. Go, maging sa mga miyembro ng Senado.
“Together, we are committed to promoting, professionalizing and protecting the future of Philippine professional sports,” ayon kay Clarin kaugnay sa kanyang adbokasiya na “3XPRO” na promote, professionalize at protect ang mga propesyunal na atleta.
Bukod kay Clarin, dumalo rin sa Senate deliberation si Philippine Sports Commission (PSC) Chairman Richard ‘Dickie’ Bachmann na sinagot din ang mga katanungan ng Senado para sa panukalang budget ng PSC sa 2024.JC
