MANILA, Philippines- Umakyat ang cybercrimes ng 21.8 porsyento sa unang quarter ng taong ito kumpara sa parehong panahon noong 2023, base sa Philippine National Police (PNP).
Batay sa datos mula sa Anti-Cybercrime Group (ACG), sinabi ng PNP na ang pinakatalamak na kaso ay online selling scams, credit card fraud at investment scams.
“An ACG official claimed that increased online activity, sophisticated cybercrime tactics, and the public’s lack of awareness could be the causes of the rise in cybercrimes,” pahayag pa nitong Linggo.
“The PNP will increase checkpoints and patrols while “cyber cops” focus on internet crimes,” dagdag ng police organization.
Gayundin, inanunsyo ni Marbil ang pinaigting na kampanya ng PNP laban sa cybercrimes. Sinabi niyang maglalaan ng mas maraming resources at kapabilidad ang police force laban sa umiigting na banta ng cyber-related offenses.
Nanawagan din siya sa publiko na iulat ang anumang pag-aabuso ng mga pulis at makipag-ugnayan sa PNP sa pamamagitan ng sumusunod na hotlines: PNP Hotline: 117 o 911; Anti-Cybercrime Group: (02) 414-1560; Internal Affairs Service: (02) 723-0401 to 20.
“Your safety is our priority, and your feedback is essential in helping us improve our services. Together, we can build a safer and more secure community,” base sa PNP chief. RNT/SA
