BUTUAN CITY- Niyanig ng magnitude-4.4 earthquake ang Davao Occidental nitong Huwebes ng umaga.
Sinabi ng Philippine Institute of Volcanology and Seismology (Phivolcs) na naganap ang lindol kaninang alas-4:50 ng umaga at ang epicenter nito ay 348 kilometers southeast ng Balut Island sa munisipalidad ng Sarangani, Davao Occidental.
May lalim itong 148 kms, base sa Phivolcs.
Anang Phivolcs, walang inaasahang aftershocks o pinsala at walang naiulat ang Davao Occidental Provincial Disaster Risk Reduction and Management Council na pinsala o sugatan. RNT/SA
