MANILA, Philippines- Sinisilip ng Philippine Army (PA) ang posibilidad ng pagppaalawig ng relasyon sa United Kingdom, partikular sa land domain training and education, matapos ang pagbisita ng UK’s defense attaché to the Philippines, Group Captain Beatrix VH Walcot.
Sinabi ni PA spokesperson Col. Xerxes Trinidad nitong Sabado na nagkita sina Walcot at Army vice commander Brig. Gen. Steve D. Crespillo sa kanyang introductory call sa PA headquarters sa Fort Bonifacio nitong Biyernes.
“Brig. Gen. Crespillo, who represented Army chief Lt. Gen. Romeo S. Brawner Jr., and Group Captain Walcot discussed forging closer security and defense ties between the two nations. The two leaders also tackled bolstering areas of collaboration in the land domain, such as military training and education,” paglalahad ni Trinidad.
Magugunitang nakatanggap ang team ng PA Scout Rangers ng Silver Medal citation sa pre-pandemic Exercise Cambrian Patrol (Ex CP) 2019 sa Wales, UK.
Kabilang sa Ex CP, itinuturing na “British Army’s premier patrolling event”, ang mission-focused at scenario-based exercises na naglalayon na palakasin ang kapabilidad ng participating units, base kay Trinidad.
Itinalaga ng British government kamakailan ang resident defense attaché to the Philippines na nakabase sa British Embassy in Manila mula sa nakaraang Brunei-based non-resident attaché.
Alinsundo ito sa 2021 Integrated Review of Foreign and Security Policy ng British government, na tumututok na ngayon sa Indo-Pacific region. RNT/SA
