MANILA, Philippines – Aabutin ng hindi bababa sa tatlong taon bago maibalik ang dating school calendar at bumalik ang summer vacation sa Abril-Mayo, ayon sa Department of Education (DepEd) nitong Martes.
Sa isang ambush interview, sinabi ni DepEd spokesperson Undersecretary Michael Poa na nilikha ang task force sa curriculum strand ng ahensya upang pag-aralan ang posibleng transition period mula sa kasalukuyang school break na itinakda noong Hulyo-Agosto.
Nakikipag-ugnayan din aniya ang DepEd sa state weather bureau PAGASA hinggil sa mga panukalang ibalik ang dating school calendar, na karaniwang nagsisimula sa Hunyo, sa gitna ng matinding init at El Niño phenomenon.
“If we decide to go back, hindi na mangyayari this year. Sa katunayan, mula sa mga natuklasan na ibinigay sa akin, ito ay aabutin ng hindi bababa sa 3 hanggang 5 taon sa ideal…dahil kailangan nating magpanatili ng isang tiyak na bilang ng mga araw ng paaralan,” paliwanag ni Poa.
Samantala, iminungkahi din ng Alliance of Concerned Teachers (ACT) ang pagpapatibay ng 185 araw ng klase taun-taon upang unti-unting ibalik ang summer break sa paaralan pagkatapos ng limang taon.
“The April-May school break is what suits our country best as the hottest months of the year are not conducive to learning, especially with our inadequate, cramped and non-airconditioned classrooms. These are also the peak months for agricultural harvest, which we know that majority of our learners in the rural areas participate in,” ani ACT chairperson Vladimer Quetua.
“We cannot afford to stick to the current schedule that we have right now as it is affecting the health and welfare of our teachers and learners, consequently impacting negatively as well to learning outcomes,” aniya pa.
Gayunpaman, iginiit ni Poa na hindi bababa sa 200 araw ng pasukan ang kinakailangan sa isang taon ng pasukan.
Ito ay alinsunod din sa learning recovery program ng DepEd para tugunan ang learning gaps sa mga mag-aaral na pinaigting ng mga pagsasara ng paaralan at pagkagambala dahil sa COVID-19 pandemic.
Ang kasalukuyang school year ay nagbukas noong Agosto 22, 2022 at natapos noong Hulyo 7, 2023. RNT
