MANILA, Philippines – Kinumpirma ni dating Pangulong Rodrigo Duterte ang kanyang pagdalo sa ikalawang State of the Nation Address (SONA) ni Pangulong Ferdinand “Bongbong” Marcos Jr. sa Hulyo 24, ani House Secretary General Reginald Velasco ngayong Miyerkules.
“Yes, nag-confirm na, pati iyong anak niya, si [Vice President Sara Duterte], nag-confirm rin,” ani Velasco sa reporters ukol dito.
Gayunpaman, hindi masabi ni Velasco kung magkatabi sina Duterte at Sara Duterte sa VIP gallery, sinabing kailangan munang humingi ng “clearance” mula sa dalawang tao alinsunod sa umiiral na protocol.
Sinabi ni Velasco na magkakaroon ng espesyal na silid para sa mga bisitang may kasamang matatanda at may cormobidities.
“Maaari kaming tumanggap ng higit pang mga bisita kung kinakailangan, at mayroong isang function room para sa mga uri ng mga bisita na may mga kondisyong medikal at mga nakatatanda, ibig sabihin ay ang mga may edad na 65, 70 pataas,” sabi niya.
“Marami kaming bisita na nagpaalam na sa amin na pabor sila sa ganoong setup dahil maginhawa ito. Magkakaroon din sila ng simpleng merienda, kape at tubig.”
Samantala, sinabi ni Velasco na isang sikat na artista ang kakanta ng pambansang awit sa panahon ng SONA.
Tumanggi siyang pangalanan ang mang-aawit.
Isang koro naman mula sa Tacloban ang gaganap sa pagbubukas ng 19th Congress’ Second Regular Session sa House of Representatives sa umaga, ani Velasco. RNT
