‘Goring’ bahagyang lumakas; Signal No. 1 itinaas sa 4 lugar

MANILA, Philippines- Bahagyang lumakas si Tropical Storm Goring, kung saan apat na lugar ang isinailalim sa Signal No. 1 sa pagkitlos nito sa southwest direction, ayon sa PAGASA nitong Biyernes ng umaga.

Hanggang kaninang alas-4 ng umaga, ang sentro ni Goring ay tinatayang 220 kilometers east southeast ng Basco, Batanes na may maximum sustained winds na 75 kilometers per hour malapit sa sentro, gustiness hanggang 90 km/h, at central pressure na 998 hPa.

Sinabi ng PAGASA na mabagal ang pagkilos ni Goring sa southwestward direction na mayroong “strong to gale-force winds extending outwards up to 160 km from the center.”

Umiiral ang Tropical Cyclone Wind Signal (TCWS) No. 1 sa mga sumusunod na lugar:

• Batanes

• eastern portion ng Babuyan Islands (Babuyan Is., Camiguin Is.)

• eastern portion ng mainland Cagayan (Santa Ana, Gonzaga, Lal-Lo, Gattaran, Baggao, Peñablanca)

• northeastern portion ng Isabela (Maconacon, Divilacan, Palanan)

Samantala, palalakasin ni Goring ang southwest monsoon o habagat at magdudulot ng occasional rains sa western portions ng Central Luzon at Southern Luzon simula ngayong Biyernes, at sa western portion ng Visayas simula sa Linggo.

Magiging maulap ang kalangitan sa Cagayan Valley, Cordillera Administrative Region, at Ilocos Region na sasabayan ng kalat na pag-ulan dahil sa trough ni Tropical Storm Goring.

Inaasahan naman sa Palawan, Occidental Mindoro, Zambales, at Bataan ang “cloudy skies with scattered rain showers and thunderstorms” dahil sa southwest monsoon.

Makararanas ang Metro Manila at natitirang bahagi ng bansa ng partly cloudy to cloudy skies na sasabayan ng isolated rain showers o thunderstorms dahil sa southwest monsoon at localized thunderstorms.

Inaasahan ang mas malakas na hangin sa coastal at upland at mountainous areas.

Umiiral naman ang Coastal Gale Warning sa coastal waters ng Batanes, Babuyan, at sa northern coast ng mainland Cagayan dahil sa malakas na hangin dulot ni Goring.

Inaasahang kikios ang tropical storm sa south southwestward o southward sa katubigan sa silangan ng Northern Luzon hanggang bukas ng hapon, tsaka liliko sa southeastward direction.

Sa malaking bahagi ng forecast period, inaasahang magiging mabagal ang pagkilos ni GORING.

“Due to highly favorable environment, GORING is forecast to rapidly intensify and may reach typhoon category by tomorrow. It may reach its peak intensity on Sunday evening, after which it is forecast to maintain strength until the end of the forecast period. The potential for developing into a super typhoon is not ruled out,” ulat ng PAGASA. RNT/SA