MANILA, Philippines – Patay nang matagpuan ang isang pitong taong gulang na estudyante matapos na halayin umano at pukpukin ng matigas na bagay sa ulo, sa Cotabato.
Maliban dito, wala ring saplot pang-ibaba ang estudyante.
Sa ulat nitong Miyerkules, Setyembre 6, natagpuan ang bangkay ng biktimang Grade 2 student sa isang palayan sa Barangay New Pandan sa Matalam kasabay ng unang araw ng pagbabalik-eskwela noong nakaraang linggo.
Sa imbestigasyon, ipinasuyo umano ng ama ng bata na ihatid sa paaralan ang kanyang anak sa isang 21-anyos na lalaking kinilala sa alyas “John” na kakilala umano nito.
Napag-alaman na hindi na nakapasok ang bata sa paaralan matapos ang insidente.
Kalaunan ay dinakip si alyas “John” na nahaharap sa kasong rape with homicide. RNT/JGC
