Gun ban exemption application kasado sa Hunyo

MANILA, Philippines – Magsisimula nang tuamnggap ng aplikasyon para sa gun van exemption sa susunod na buwan ang Commission on Elections (Comelec) kaugnay sa Barangay at Sangguniang Kabataan Elections (BSKE) sa Oktubre.

Sa inilabas na Comelec Resolution 10918 nitong Sabado, sinabi ng poll body na ang nasabing aplikasyon para sa issuance ng Certificate of Authority para payagang magdala ng mga baril ay dapat na elektronikong ihain sa Committee on the Ban on Firearms and Security Concerns (CBFSC) mula Hunyo 5 hanggang Nob. 15.

“Filing of applications shall be made through electronic means taking advantage of the current information technology advancements, adopting the principle of efficient government service delivery, addressing the geo-logistical challenges in some regions, and for mutual safety under the new normal,” saad sa resolution na ipinahayag noong Mayo 17.

Ang paghahain ay maaaring gawin sa pamamagitan ng website ng Comelec sa www.comelec.gov.ph.

Exempted naman sa gun ban ang President, Vice President, Chief Justice ng Supreme Court, ang Senate President; lahat ng incumbent senators; House of Representatives Speaker; lahat ng miyembro ng House; justices ng SC, Court of Appeals, Sandiganbayan, at Court of Tax Appeals .

Kasama rin sa exempted ang lahat ng judges ng regional, municipal, at metropolitan trial courts; Ombudsman, Deputy Ombudsman, at investigators at prosecutors ng Ombudsman; ang prosecutor general, chief state prosecutor, state prosecutors, at prosecutors ng Department of Justice; at opisyal at ahente ng National Bureau of Investigation.

Binigyan din ng automatic exemption ang Cabinet Secretaries, Undersecretaries, at Assistant Secretaries, lahat ng Election Officers, Provincial Election Supervisors, at Regional Election Directors.

Ipinagbabawal sa gun ban ang pagbitbit,pagdadala ,pagbiyahe ng armas at iba pang deadly weapons sa panahon ng halalan.

Ang mga opisyal at miyembro ng iba pang law enforcement agencies/entities, opisyal ng mga departamento, divisions,mga tanggapan na nagsasagawa ng pagpapatupad ng batas at mga tungkulin sa seguridad, mga opisyal at tauhan ng jailat corrections facilities , mga opisyal at miyembro ng intelligence at investigative division, mga opisyal at miyembro ng Department of Justice (DOJ), Bangko Sentral ng Pilipinas, at mga opisyal ng iba pang public offices at institusyon, ay exempted din.

Ang paglabag sa gunban ay itinuturing na isang election offense na may parusang isa hanggang anim na taong pagkakulong, nang walang posibilidad ng probasyon, at nagreresulta sa pagkawala ng karapatang bumoto at perpetual disqualification na humawak ng posisyon. Jocelyn Tabangcura-Domenden