MANILA, Philippines – Halos 70,000 job vacancies ang naghihintay para sa mga job seekers sa kabi-kabilang job fairs sa buong bansa sa pagdiriwang ng ika-125 anibersaryo ng Philippine Independence Day o Araw ng Kalayaan sa Hunyo 12.
Ayon sa Department of Labor and Employment (DOLE), nasa 48 job fair sites ang bubuksan kung saan inisyal na 68,455 job vacancies ang alok ng 840 employers.
Ang datos ay nitong Hunyo 4 lamang at ang bilang ng mga bakante ay inaasahang tataas pa sa mga susunod na araw.
Ang job fair sites sa Luzon sa Hunyo 12 ay ang mga sumusunod:
National Capital Region – SM Grand Central – Caloocan City; Rizal Gymnasium – Pasig City; SM City Marikina; SM Megamall – Mandaluyong City; Parañaque City Hall Gymnasium – Parañaque City; Vista Mall Taguig; SM Southmall – Las Piñas City; Robinsons Las Piñas; SM City North EDSA; SM City Novaliches; SM City Fairview; SM City Sta. Mesa
Cordillera Administrative Region – Porta Vaga Mall, Baguio City; SM City Baguio
Ilocos Region – Robinsons Ilocos, San Nicolas, Ilocos Norte; Candon Civic Center, Candon, Ilocos Sur; Manna Mall, San Fernando City, La Union; Don Leopoldo Sison Convention Center, Alaminos, Pangasinan; Nepo Mall, Dagupan City, Pangasinan; SM Center Dagupan, Pangasinan; CB Mall, Urdaneta City, Pangasinan
Cagayan Valley Region – SM City Tuguegarao; SM City Cauayan; Robinsons Santiago
Central Luzon – SM City Balanga, Bataan; Bulacan Capitol Gymnasium, Malolos City, Bulacan; Robinsons Townsville, Cabanatuan City, Nueva Ecija; SM City Telebastagan, Pampanga; SM City Tarlac; SM City Olongapo Central, Zambales
CALABARZON – Lyceum of the Philippines – Batangas, Batangas City
MIMAROPA – Municipal Covered Plaza, San Jose, Occidental Mindoro
Bicol Region – SM City Sorsogon; SM City Legazpi
Samantala, ang mga naghahanap ng trabaho sa Visayas region ay maaring bisitahin ang Independence Day job fair venues:
Western Visayas – SM City Bacolod
Central Visayas – SM Seaside City Cebu; Plenary Hall 3rd Floor, Convention Center, Capitol Area, Dumaguete City
Eastern Visayas – Robinsons North, Abucay, Tacloban City
Sa Mindanao, ang Kalayaan job fair sites ay ang mga sumusunod:
Zamboanga Peninsula – KCC Mall de Zamboanga
Northern Mindanao – SM CDO Downtown Premier
Davao Region – SM City Davao
SOCCSKSARGEN – SM City Gen. Santos
Caraga – SM City Butuan
Bukod dito, isasagawa rin ang mga job fair bago ang Araw ng Kalayaan sa Western Philippines University, Aborlan, Palawan sa Hunyo 7; Western Philippines University, Puerto Princesa City, Palawan sa Hunyo 9; at SM City Rosales, Pangasinan sa Hunyo 11.
Samantala, ang post-Independence Day job fairs ay gaganapin sa NCCC Mall, Puerto Princesa City, Palawan sa Hunyo 19; at STI College, Puerto Princesa City, Palawan sa Hunyo 20.
Sa ngayon, hinihikayat ng labor department ang mga naghahanap ng trabaho na maging handa sa kanilang mga kinakailangan sa aplikasyon, tulad ng resume o curriculum vitae, certificate of employment para sa mga dating nagtatrabaho, diploma, at transcript of records. Jocelyn Tabangcura-Domenden
