MANILA, Philippines – Upang mas matutukan ang “well being” ng mga estudyante, isinisulong ni Tutok to Win Partylist Rep Sam Versoza ang permanenteng polisiya na nagbabawal na magbigay ng assignment sa mga estudyante tuwing weekends.
Ang panukala ni Versoza ay kasunod ng naging report ng Philippine Institute for Development Studies noong nakaraang taon na nagsasabi na mas maraming oras ang ginugugol ng mga estudyante sa Pilipinas kumpara sa ibang bansa subalit mas kakaunti naman ang natutunan.
Aniya, hindi lamang sa mga estudyante ang dagdag hirap kapag may mga homework sa araw ng Sabado at Linggo kundi dagdag pasanin din para sa kanilang mga magulang.
“The Department of Education has a memorandum advising teachers to limit the number of homework to a reasonable number and refrain from giving assignments to be done on weekends so students can spend time with their families. Ngunit sa kasamaang palad, hindi po ito mahigpit na naipapatupad at wala ring sapat at maayos na monitoring. Therefore, there is a need to institutionalize the guidelines implementing the no homework policy during weekends,” paliwanag ni Versoza.
Aminado ang mambabatas na kalimitang pagod na ang mga estudyante at magulang kapag weekends kaya dapat hayaan na itong makarekober sa buong Linggo na pagtatrabaho at pag aaral.
“We can better help working students if all the things they have to learn were already taught during school hours. As for working parents, instead of having time to rest, they would have to help their children with their homework. At times, they even answer the homework themselves,” pagtatapos pa ni Versoza. Gail Mendoza
