 |
VIRGO (Agosto 23 – Setyembre 23) — Habang naaalala mo siya, lalo ka lang malulungkot. Subukan mo munang kalimutan siya at alisin sa isipan mo. Para kasing tinik sa lalamunan at migraine sa ulo ang iyong ex. Libangin ang sarili sa pamamasyal kasama ang mga kaibigan. Kumain kayo sa labas at manood ng movies sa bahay.
|
 |
LIBRA (Setyembre 24 – Oktubre 23) — Magiging positibo ka ngayon sa pagkilos at pagpapasya dahil sa bagong natuklasang oportunidad. Ang mga bagay na nasimulan o proyektong nakabinbin ay ituloy dahil makapagbibigay ito sa iyo ng sigla at lakas. Panahon na rin upang buksan mo ang iyong puso para sa bagong pag-ibig.
|
 |
SCORPIO (Oktubre 24 – Nobyembre 22) — Malilibang ka ngayon sa iyong pinaggagagawa sa iyong nasimulang vlog. Ituloy mo lang ito at unti-unti itong lalago at pwede pang pagkakitaan. Ang mga konsepto sa mga aktibidad na ipinagkatiwala sa iyo, huwag mong saluhing lahat. Humingi ng tulong sa mga taong may kakayahan at maaasahan.
|
 |
SAGITTARIUS (Nobyembre 23 – Disyembre 21) — Ang pakikipagbonding ngayon sa mga kaibigan at mga malapit na kakilala ay mapagbibigay ng kasiyahan. Lalo na’t gusto mo ang iyong ginagawa. Huwag kang makinig sa mga sinasabi ng ilan tungkol sa isang kaibigan. Ito ay paninirang-puri lamang. Mas may pinagsamahan kayo kaysa sa mga taong hindi mo naman kilala. Kaya, sa kanya ka magtiwala at maniwala.
|
 |
CAPRICORN (Disyembre 22 – Enero 19) — Ikaw ngayon ang may hawak ng iyong kapalaran. Bahala ka sa gusto mong gawin basta tiyakin mong ito ay mabuti. Burahin mo sa iyong alaala ang masamang nagawa sa iyo ng isang matalik na kaibigan. Hihingi siya ng despensa sa iyo at patawarin mo. Pakikinabangan mo ito dahil aambunan ka niya ng kanyang grasya bukod pa sa pagbabayad niya ng utang sa iyo.
|
 |
AQUARIUS (Enero 20 – Pebrero 18) — Makinig ka sa payo at sinasabi ng iyong mga magulang at huwag sa ibang tao. Alam nila ang makabubuti sa iyo. Huwag ka munang magmadali sa pag-ibig dahil darating ang tamang panahon para riyan. At ang panahong iyan malapit na. Baka ang taong mamahalin mo ay kanila pang magustuhan para sa iyo.
|
 |
PISCES (Pebrero 19 – Marso 20) — Iindiyanin ka ng sweety pie mo sa inyong isinet na date ngayong araw. May biglaan siyang lakad at mahalaga iyon para sa kanyang career. Huwag kang magtatampo o maiinis.Sa halip, ikaw na lang ang pumunta sa bahay nila at matutuwa ka pa dahil magkakaroon kayo ng mahabang oras sa inyong bonding.
|
 |
ARIES (Marso 21 – Abril 19) — Tanging ang Panginoong Diyos lamang ang nakaaalam kung kayo pa rin sa bandang huli. Huwag ka lang mawalan ng pag-asa dahil kahit nahaharap man sa hamon at pagsubok ang inyong relationship malalampasan n’yo itong magkasintahan. Basta, pagkatapos mo siyang ihatid sa bahay nila, huwag kalilimutang magsabi ng goodnight at I love you.
|
 |
TAURUS (Abril 20 – Mayo 20) — Kung maaga kang papasok, maaabutan mo siya sa coffee shop at ililibre ka pa niya ng almusal at mainit-init na kape. Magiging maganda ang iyong araw ngayon dahil napapansin ka na ng crush mo. Basta, ipakita mo lang ang totoong ikaw at huwag magkunwari. May mga bagay kang dapat ayusin ngayon sa opisina kaya hinay-hinay lang sa pag-e-Mobile Legends.
|
 |
GEMINI (Mayo 21 – Hunyo 21) — Maaakit sa iyo ngayong araw ang iyong crush dahil sa suot mong damit na bumagay sa iyo ang sukat at kulay. Diyan na magsisimula na mapagtatanto niya na malakas pala ang dating mo. Isang good news din ang matatanggap mo tungkol sa sideline mo. Kaya, good mood ka ngayon.
|
 |
CANCER (Hunyo 22 – Hulyo 22) — Kung may budget ka naman sa pamasahe, huwag nang makipagsiksikan sa pagsakay sa bus carousel o sa LRT. ‘Yan ay kung nagmamadali ka at on-time dumating ang ka-transaksyon mo. Maiging magtaksi ka na lang muna ngayong araw. Maigi ring selyuhan ang plano n’yo ng bestfriend mo na simulan ang isang small business.
|
 |
LEO (Hulyo 23 – Agosto 22) — Kahit may pagka-tigre ang attitude mo, mapapaamo ka niya dahil sa kanyang maamong mukha at kabaitan. Malaki ang magiging papel ng isang bagong kakilala sa positibong pagbabago sa iyong buhay. Huwag mo munang asahan ang isang pangako ng isang kaibigan na paulit-ulit na nabubulilyaso. Sa gayun, hindi ka ma-badtrip ngayon dahil sa kakaasa ru’n.
|
