Ilang lugar sa Northern at Central Luzon binayo na ng malakas na ulan

(Image representation only)

MANILA, Philippines – Kahit na wala pang direktang epekto ang Super Typhoon Mawar sa Pilipinas ay nakaranas na ng mga pag-ulan at pagbaha ang ilang bahagi ng bansa partikular sa Ilocos Norte.

Napag-alaman na nag-zero visibility pa ang Laoag bunsod ng sobrang lakas na ulan habang katamtaman hanggang sa malakas na pag-ulan ang naramdaman sa ilang bahagi ng Tuguegarao City sa Cagayan.

Nagkaroon na ng pagguho ng isang bahagi ng bundok sa Hungduan sa Ifugao at naapektuhan ang ilang kalsada at ilang bahay sa lugar.

Hindi na rin madaanan ang ilang bahagi ng kalsada sa Kibungan, Benguet matapos ang paguho ng mga bato at putik, kasunod ng paglambot ng lupa dahil sa pag-ulan sa lugar. RNT