MANILA, Philippines- Nahagip sa isang video at mga larawan ang namuong ipo-ipo o waterspout sa karagatan ng Barangay Kilim sa Baybay City, Leyte.
Inilahad ng mga residente na naganap ito noong Lunes, alas 4:37 ng hapon.
Bago sumulpot ang ipo-ipo ay nakaramdam ng mainit ang panahon. Dahil dito, natakot ang ilang mga residente subalit mabuti na lamang at umabot lamang ito ng 10 minuto.
Nang malusaw ang ipo-ipo, bumuhos ang malakas na ulan.
