MANILA, Philippines – OPISYAL nang nanumpa sa kanyang tungkulin si Joshua Bingcang bilang acting president at chief executive officer ng Bases Conversion and Development Authority (BCDA).
Sinabi ng Presidential Communications Office (PCO) na nanumpa si Bingcang sa harap ni Executive Secretary Lucas Bersamin.
Nanumpa rin si Bingcang bilang miyembro ng Board of Directors ng BCDA.
Si Bingcang, isang engineer, nagsilbi bilang senior vice president para sa Conversion and Development Group ng BCDA.
Siya ay naging officer-in-charge ng Clark International Airport Corporation mula 2019 hanggang 2020.
Itinalaga rin siya bilang pinuno ng New Clark City Project Management Office. Kris Jose
