Manila, Philippines – Pagkatapos ng kanyang hiatus sa show business, nagbabalik na ang magaling at award-winning actress na si Judy Ann Santos.
Balik-pelikula siya sa isang horror drama na ididirehe ni Rahyan Carlos at pagtatambalan nila ni Sam Milby na huli niyang nakasama sa Kapamilya teleseryeng “Huwag Ka Lang Mawawala.”
Katunayan, nagkaroon na sila ng pictorial, look test at cam test.
Ito ay joint venture ng Happy Karga Films at AMP Studios Canada.
Noon pa mang nag-lie low sa showbiz si Juday, marami nang kafaneyan ang naka-miss sa aktres.
After all, bukod sa pagiging box office star at reyna ng mga ABS-CBN teleserye noon, nagkaroon na rin ng following ang tandem nila ng ultimate leading man na si Piolo Pascual.
Katunayan, marami pa ngang followers nila ang nag-aabang ng kanilang balik-tambalan.
Maging si Papa P nga ay nagpahayag noon ng kahandaang makatrabaho ang dating ka-loveteam na hanggang ngayon ay di pa nagma-materialize.
Ngayong si Sam ang leading man niya sa kanyang comeback project, iniintriga tuloy ng kibitzers na nasulot diumano ng boyfie ni Ms. Universe Catriona Gray kay Piolo si Judy Ann. Archie Liao
