MANILA, Philippines – Marami talagang tagahanga ang pambansang koponan ng football ng kababaihan ng Pilipinas.
Kasama sa listahan ang celebrity couple na sina Judy Ann Santos at Ryan Agoncillo na kabilang sa mga Filipino fans na dumagsa sa Wellington Regional Stadium sa New Zealand para suportahan ang mga Pinay sa kanilang laban sa home team ngayong Martes sa FIFA Women’s World Cup.
Ang social media account ng pambansang koponan ay nag-post ng mga larawan ng mag-asawa kahapon.
Bukod sa mag-asawa, todo-todo ang suporta ng mga Filipinas supporters sa kanilang mga kababayan.
Tinalo ng Filipinas ang New Zealand sa isang makasaysayang panalo na ipinagbunyi ng maraming fans.
