Manila, Philippines – Nakarating na kay Kaila Estrada ang mga bashing at panlalait na inabot ng co-star nila sa Linlang na si Anji Salvacion. Nakiusap si Kaila sa mga netizens na sana, huwag naman daw ganu’n ka-harsh ang mga sinasabi ng ilan laban sa acting ni Anji.
Sabi ni Kaila, “I understand that criticism is part of it, ‘di ba? I mean, we welcome it, kasi we learn from the criticism that we receive.
“But I think, some people may have taken it too far. And I really hope that you know, we can just be kinder and nicer, and more responsible in what we say online.
“Kasi siyempre, hindi naman natin alam yung magiging effect nu’n sa kanya. I hope people can be nicer,” pakiusap ni Kaila sa mga bumabatikos sa akting ni Anji sa Linlang.
Kung marami ang hindi nagugustuhan ang akting ni Anji sa Linlang, puring-puri naman ng mga netizen ang akting na ipinamamalas ni Kaila sa nasabing serye ng ABS-CBN, na napapanood sa Prime Video.
Nakikipagsabayan ito sa akting sa c-ostars niyang sina Kim Chiu, JM de Guzman, Paulo Avelino at Maricel Soriano.
Hindi naman kataka-taka na mahusay umarte si Kaila. May pinagmahanan naman kasi siya.
Ang mga magulang niya na sina Janice de Bellen at John Estrada ay mga mauhusay na artista. Rommel Placente
