Kasambahay patay sa 70-anyos na amo; bangkay itinapon sa kalsada

DAVAO CITY- INAALAM na ng mga awtoridad ang posibleng kasabwat ng 70-anyos na lola na pumaslang na pumaslang sa kanyang kasambahay na babae matapos itapon ng una ang bangkay huli sa gilid ng kalsada noong Linggo sa lungsod na ito.

Kinilala ang nadakip na suspek na si Nenita Pagatpatan, biyuda at residente ng Cabantian, Buhangin Davao City.

Nakabalot naman ng trapal at may sugat sa ulo at ilong ng matagpuan ang bangkay ng biktimang si Shiela Lagwasay, 29-anyos, taga Don Marcelino, Davao Occidental.

Sa report ng Buhangin Police Station, Linggo ng umaga natagpuan ang bangkay ng biktima na nakabalot ng trapal sa gilid ng kalsada sa nasabng subdibisyon.

Ayon kay Police Major Joenel Paderio, hepe ng Buhangin Police Station, sa kanilang pagsisiyasat bago natagpuan ang bangkay ng biktima huli sa CCTV si Pagatpatan na may hila-hilang trolley at tila may mabigat na bagay na nakabalot sa trapal.

Itinanggi naman ng suspek na may kinalaman siya sa pagpatay sa biktima subalit may nakitang trolley sa bahay nito gaya nang nakita sa CCTV ay may mga nakita rin ng bakas ng dugo sa ikalawang palapag ng bahay ni Pagatpatan.

Nabatid, na iniwan ng biktima ang kanyang dalawang anak para magtrabaho sa suspek bilang kasambahay sa loob ng 6 na buwan.

Nagpapatuloy naman ang imbestigasyon ng pulisya para alamin ang tunay na motibo habang inihahanda na ang kasong isasampa laban kay Pagatpatan./Mary Anne Sapico