BENGUET- Swak sa kulungan ang isang lalaki matapos na maaresto sa isinagawang anti-illegal drugs buy-bust operation ng National Bureau of Investigation Cordillera at Philippine Drug Enforcement Agency Cordillera sa Km3 Asin Road, Baguio City, kahapon, August 23.
Kinilala ng mga awtoridad ang suspek na si Muhammad Yasser Rangaig Pangadapun aka “Orak”, Filipino, tubong-Marawi City, Lanao del Sur.
Ang suspek ay inaresto ng mga operatiba habang binebentahan nito ng hinihinalang shabu ang isang undercover operative.
Nakumpiska mula sa suspek ang humigit-kumulang sa 150 gramo ng hinihinalang shabu na nagkakahalaga ng P1,020,000.
Nasa kustodya ngayon ng NBI-CAR ang suspek. Rolando S. Gamoso
