Kris, nag-post ng update, posibleng 6 ang autoimmune condition!

Los Angeles, USA – Kinumpirma ni Kris Aquino on her Instagram account na mula sa apat ay lima na ang bilang ng kanyang autoimmune condition.

Worse, there’s likelihood na maging anim pa ito.

Ito ang dahilan kung bakit masidhi ang pakiusap ni Kris na sana raw ay huwag sumuko ang mga patuloy na nagdarasal para sa kanya.

May larawan ng gamot na nakasilid sa bote ang ipinost ni Kris.

In tablet form ito. At para huwag na raw i-Google ng kanyang mga supporters kung para saan ang gamot na ‘yon, it treats cancer.

Nagbanggit din siya ng ilang sakit na puwedeng i-address ng nasabing gamot tulad ng psoriasis.

Aminado si Kris na nahirapan daw siyang kumbinsihin ng kanyang doktor na inumin ‘yon dala na rin ng pagiging maselan niya sa mga medications.

What finally convinced Kris ay ang not-so-positive result ng mga tests run on her.

Nagbalik-tanaw rin si Kris nang unang tumuntong sa Amerika via Houston, Texas noong June 2022.

Noong mga panahong ‘yon daw kasi nagsimula ang tila walang katapusang pagpapatingin niya sa doktor.

Ang latest heard about Kris ay natagpuan na niya ang mag-amang Indian doctors who are most sought after in the US at dinadayo pa dahil sa husay sa panggagamot.

Anyway, Kris is enjoining her supporters na huwag panghinaan ng loob with her latest post on the anti-cancer medicine.

Maitatanong lang, bakit tila walang post si Kris ng nagdaang Mother’s Day (May 14)?
Hindi ba’t supposedly ay bibisitahin siya uli ni Batangas Vice Governor Mark Leviste? Ronnie Carrasco III