Manila, Philippines-Pumapalakpak ang tenga ni Lovi Poe makaraang magpost si Regine Veleasquez ng kanyang papuri sa kanya.
Nagustuhan ng Asia’s Songbird ang rendition ni Lovi ng awiting You Me Feel Like (A Natural Woman) na pinasikat ni Aretha Franklin.
Nag-react si Regine sa ipinost ni Lovi na video clip ng kanyang performance bilang special guest sa Some Kind of Valentine show nina Christopher de Leon, Edgar Mortiz at Tirso Cruz III nitong February 3 and 4.
Post ni Regine: “Wow, ang galing!”
Nirepost ni Lovi ang comment ni Regine sa Twitter sabay sabing: “I’m dying! Puwede na akong mamatay. I have achieved my life’s purpose!”
Kinagiliwan naman ng mga netizens ang kung tutuusi’y OA na reaction ni Lovi bagama’t nakaka-flatter naman ‘yon coming from a topnotch singer like Regine.
Hindi raw maimadyin ng mga netizens na ang magiging “cause of death” ni Lovi ay ang papuri ni Regine.
In fairness, hindi man masasabing established singer si Lovi ay may boses naman siya.
Kung matatandaan, Lovi was the voice behind a not-so-old teleserye on GMA kasama sina Dingdong Dantes at Maricel Soriano.
Mas nakilala nga lang at sumikat si Lovi bilang aktres, aside of course from carrying her father FPJ’s name.
With Regine’s complement, she made Lovi feel like a natural singer! Ronnie Carrasco III
