M-4.7 na lindol, yumanig sa Mindoro; naramdaman sa Metro Manila

MANILA, Philippines – Niyanig ng magnitude 4.7 ang Paluan, Occidental Mindoro at naramdaman sa mga kalapit na lugar kabilang na ang Metro Manila.

Ayon sa PHIVOLCS, tumama ang lindol 9:53 ng umaga nitong Huwebes, Hunyo 27, sa 37 kilometro timog-kanluran ng Paluan.

May lalim itong 33 kilometro.

Naramdaman ang Intensity 2 ng lindol sa Tagaytay City, Alfonso at Mendez, Cavite, at Mabini sa Batangas.

Naitala rin ang Intensity I ng lindol sa lungsod ng Maynila, Navotas City, at Amadeo, Cavite.

Samantala, naitala rin ang Instrumental Intensity 3 sa Puerto Galera, Oriental Mindoro at Mamburao, Occidental Mindoro.

Sumakto ang lindol bago ang nakatakdang second quarter national simultaneous earthquake drill bukas, Hunyo 28. RNT/JGC