LUNGSOD NG BACOLOD – Nagtadtaran gamit ang itak ang dalawang magpinsan sa isang engkuwentro sa Barangay Masaling, Cauayan, Negros Occidental nitong Linggo, Mayo 26.
Kinilala ng pulisya ang mga nasawi na sina Saturnino Angel, 42, at pinsan nitong si Reynaldo Onabia, 35.
Sinabi ni Police Lt. Col. Gary Alan Resuma, hepe ng pulisya ng Cauayan, na sina Onabia at bayaw ni Angel ay nagkaroon ng mainitang pagtatalo habang sila ay nag-iinuman.
Upang maiwasang lumaki ang hidwaan sa pagitan nila, nagpasya ang bayaw ni Angel na umuwi.
Kumuha si Onabia ng bolo at kutsilyo at pumunta sa bahay ng bayaw ni Angel at hinamon siya. Pinapayapa sila ng asawa ng bayaw ni Angel.
Dumating si Angel at hinarap si Onabia.
Nakuha ni Angel ang isa sa mga sandata ni Onabia at inatake ang isa’t isa.
Dinala sila sa ospital kung saan idineklara silang patay. RNT
