MANILA, Philippines- Nasunog ang bahagi ng isang shopping mall sa Masinag, Antipolo nitong Miyerkules ng umaga, ayon sa Bureau of Fire Protection (BFP).
Base sa Antipolo BFP, naiulat ang sunog kaninang alas-4:34 ng umaga. Itinaas ang first alarm limang minuto matapos ang pagkakaulat ng insidente.
Sinabi ng mga awtoridad na idineklarang under control ang sunog pagsapit ng alas-5:20 mng umaga at tuluyang naapula bandang alas-6 ng umaga.
Hindi pa natutukoy ng BFP ang mitsa ng sunog at halaga ng pinsala. RNT/SA
