Home NATIONWIDE Mayo, boss nito pina-contempt sa P6.7B shabu cover-up Senate probe

Mayo, boss nito pina-contempt sa P6.7B shabu cover-up Senate probe

333
0

MANILA, Philippines – Pina-contempt ng mga Senador kasabay ng pagdinig ng Senado sa P6.7 bilyon na shabu cover-up, sina National Capital Region Drug Enforcement (DEG) officer-in-charge Lieutenant Colonel Arnulfo Ibañez at bata nitong si Master Sgt. Rodolfo Mayo Jr.

Si Mayo ang itinuturong sangkot sa P6.7 bilyon na shabu drug haul ‘cover-up’ Oktubre noong nakaraang taon.

Kasabay ng pagdinig ng Senate committee
on public order and dangerous drugs kasama ang mga komite ng trade, commerce, and entrepreneurship sa naturang kaso, iminungkahi ni Senador Raffy Tulfo kay Senador Ronald “Bato” Dela Rosa na ipa-contempt si Ibañez sa pagsasabing hindi niya alam ang aktibidad ng kanyang tauhan.

Matatandaan na sinabi kamakailan ni Ibañez na inosente siya at hindi niya alam ang mga ginagawa ni Mayo, na siyang pinagdudahan naman ni Tulfo.

“Panong walang alam eh bata mo ito? Dalawa lang mamili ka ikaw ay bobo or tiwali? Bobo dahil di mo alam ang pinagagawa ng bata na nirekomenda mo sa PDEG (Philippine National Police) or alam mo na itong bata mo gumagawa ng kalokohan at kinukunsinti mo?” paggigisa ni Tulfo kay Ibañez.

Itinanggi ni Ibañez ang nalalaman, kasunod ng pag-akusa ni Tulfo na nagsisinungaling lamang ito at nararapat sa contempt.

Iginiit ng senador na maaari ring arestuhin ang law enforcement officials sa mga kasong may kinalaman sa droga.

“Police Lieutenant Colonel Arnulfo Ibañez is hereby cited in contempt before this committee. Sergeant-at-arms, maya niyo na kukunin. He stays here and afterwards, kulong niyo sa baba,” pag-uutos ni Dela Rosa.

Bago rito, kinwestyon na rin ni Tulfo ang bata ni Ibañez na si Mayo kung paano siya nakapag-ipon ng aabot sa P6.7 bilyon halaga ng shabu.

Tumanggi naman sumagot si Mayo at sinabing
“I invoked my right against self-incrimination”, dahilan para imungkahi naman ni Senador Robin Padilla na i-contempt ito ng Senado.

Inaprubahan naman ito ni Dela Rosa. RNT/JGC

Previous articleTyphoon Mawar nagbabanta sa Guam
Next articleTINGNAN: Pinsalang iniwan ng sunog sa Manila Central Post Office

LEAVE A REPLY

Please enter your comment!
Please enter your name here