SURIGAO DEL NORTE- NAHAHARAP ngayon sa patung-patong na kaso ang grupong Socorro Bayanihan Services dahil sa naglutangan reklamo laban sa kanilang mga opisyal at miyembro na may kinalaman sa sapilitang kasal, panggagahasa, iligal na droga, at mga armas.
Kabilang ang lider ng grupo na si Jey Rence Quilario “ Senior Aguila”, na dating pinamunuan ni Mamerto Galanida, 3-term mayor ng nasabing bayan taon 2017 at 13 pa nitong miyembro ay sinampahan ng National Bureau of Investigation (NBI) ng mga kasong Qualified trafficking kidnapping and seroius illegal detention, paglabag sa special protection of children against abuse, exploitation and discrimination act.
Nabatid, na ang nasabing grupo ay mistulang kulto na may headquarters sa Sitio Kapihan Bucas Grande, Socorro, Surigao del Norte .
Nag-ugat ang reklamo sa kontrobersyang organisasyon matapos magreklamo ang 8 menor de edad na batang babae na may edad 9 hanggang 15 hinggil sa pang-aabusong ginagawa sa kanila.
Ilan sa mga reklamo ay ang panggagahasa, sapilitang pagpapakasal at pagpapagamit umano sa kanila ng iligal na droga at mayroon din umanong private army, maging ang paggamit ng armas ay itinuturo rin sa kanila sa tulong ng retiradong pulis.
Kwento pa ng isang Junior (hindi niya tunay na pangalan) na si Quilario noong dumating siya noong 2017 ay nagsabing siya ang Santo Niño.
Sinabi pa ni Junior, kapag eleksyon sila ang pinapadala at naging goons para lamang sa seguridad ng mga kandidato na kanilang hawak.
Aniya, sinimulan ni Quilario na pilitin ang mga babae, maging ang mga menor de edad, na magpakasal.
Kung ang isang lalaki ay hindi makasama ang kanyang dapat na nobya pagkatapos ng tatlong araw, sasabihin sa kanya na magpagahasa dahil siya ay “pinahihintulutan.”
Isiniwalat rin ng isang Maria (hindi niya tunay na pangalan) na siya ay 14 noong siya ay pinilit na magpakasal sa isang 18-taong-gulang.
Sinabi niya sa kanila na mapapahamak sila sa impiyerno kapag hindi sila sumunod.
Sinabi ni Jane na humingi pa sa kanya ng sex si Senior Aguila ngunit tumanggi ito.
Sa salaysay rin ng isang Mico (hindi niya tunay na pangalan) na bantay siya sa bahay ni Quilario kung saan nakita niya ang mga babaeng dinadala at mga baril.
Sinabi niya na ang isang babae ay dadalhin sa panahon ng curfew, at painumin ng gatas o juice. Siya ay magpapalipas ng gabi at lalabas sa susunod na araw.
Dagdag pa ni Mico , hindi naman lumaban ang mga babae. Naniniwala raw sila na mapupunta sila sa langit kapag sumunod sila sa kagustuhan ni Quilario .
Sinabi rin niya na ang basement ni Quilario ay may hawak na mga ilegal na baril tulad ng M4s.
Samantala, pinabulaanan nina Quilario at ng kanyang mga matataas na pinuno na sina Kareen Sanico Jr. at Mamerto Galanida ang mga alegasyon ng sapilitang kasal, panggagahasa at pagkakaroon ng mga baril.
Ayon sa mga pinuno ng komunidad, handa at handa silang harapin ang anumang posibleng pagsisiyasat o pagsisiyasat upang pabulaanan ang anumang karagdagang akusasyon sa kanilang komunidad.
Sa darating na Setyembre 28, sisimula ang imbestigasyon ng Senado sa nabunyag na kulto ng naturang grupo.
Ayon kay Sen. Ronald dela Rosa, kabilang sa kanilang tatalakyin ay ang mga nakasaad sa sulat na ipinadala sa kanya ni Socorro Mayor Riza Timcang , gaya ng diumano’y operasyon ng drug lab at private army na kinabibilangan ng mga dating pulis./Mary Anne Sapico
