MANILA, Philippines – Posibleng sanhi ng tuloy-tuloy na pagbuhos ng ulan ang dahilan kaya bumagsak ang ilang mga poste ng Meralco sa Binondo, Maynila ngayong Huwebes.
Sa inisyal na ulat mula sa Public Information Office ng Manila Police District, bandang ala 1:00 ng tanghali nang magbagsakan ang mga poste ng kuryente sa kanto ng Quintin Paredes St., at Ongpin, St sa Binondo.
Ayon sa nakakita na si Adrain Masangkay, Barangay tanod ng Bgry. 289, napansin na lamang niya na biglang nagtumbahan ang mga poste ng Meralco.
Agad namang naitawag sa Meralco Office ang insidente at sa pangunguna ni Sonny Pascual, Meralco Team leader ay nagtungo sa lugar upang pangasiwaan ang safety measures lalo na’t daanan ng mga motorista at malapit lamang sa Simbahan ng Binondo ang insidente.
