HINDI man iyabang, subalit makikita na pawang makatao at para sa tao ang mga proyektong isinasagawa ni Quezon City Mayor Joy Belmonte.
Katulad na lang ng programa hinggil sa mental health, mas pinalakas pa niya sa pamamagitan nang pagsasagawa ng paraan kung paano matulungan ang indibidwal na may kapansanan sa pag-iisip at maiwasan ang pagtaas ng mga kasong may kaugnayan sa mental illness.
Nagsagawa ang pamunuan ni Belmonte ng mga unang hakbang para mapalakas ang mental well-being ng mamamayan lalo na sa mga paaralan.
Kasi nga, noong panahon ng pandemic bigla ang pagtaas ng bilang ng mga mag-aaral na sinasabing may mental health illnesses bukod pa sa pagiging balisa ay marami ang nagtatangkang magpakamatay.
Nabatid pa na noong academic year 2021–2022 kung saan maraming paaralan ang sarado, may 404 kabataang mag-aaral ang nagpakamatay at may 2,147 iba pa ang nagtangkang magpakamatay.
Kaya nga sa mga pampublikong paaralan ay nag-hire ang QC government ng mental health professionals katulad ng therapists at councilors na agad kikilala sa mga paunang senyales ng sakit at mabilis na pipigilan ito.
Kaya naman bukod sa mga school interventions, nagtayo ang QC LGU ng Mental Wellness Access Hubs sa 6 na distrito sa lungsod na tumutulong sa mga taong may mental health disabilities, tulad ng pagkakaloob ng libreng prescription medicines at mayroon ditong mga espesyalista para makatulong na masolulusyunan ang anxiety at depression.
