Mga shellfish sa 3 lalawigan sapul ng red tide – BFAR

MANILA, Philippines- Positibo pa rin ang mga shellfish sa tatlong lalawigan sa paralytic shellfish poison o toxic red tide na lampas sa regulatory limit, ayon sa Bureau of Fisheries and Aquatic Resources (BFAR) nitong Biyernes.

Sa abiso, sinabi ng BFAR na nakolekta ang mga shellfish na hindi ligtas kainin mula sa mga sumusunod na lugar: 

• coastal waters ng Dauis at Tagbilaran City sa Bohol

• Dumanquillas Bay sa Zamboanga del Sur

• coastal waters ng San Benito sa Surigao del Norte 

Subalit, sinabi ng bureau na ligtas kainin ang mga isda, pusit, hipon, at alimasag mula sa mga nasabing lugar, “provided that they are fresh and washed thoroughly, and internal organs such as gills and intestines are removed before cooking.” 

Nagbabala ang BFAR na hindi iba ang lasa at itsura ng toxic shellfishes mula sa mga hindi nakalalason. Dagdag nito, kahit lutuin ang mga ito ay hindi mawawala ang red tide toxin. RNT/SA