Mga waging district governor, FVDG, SVDG ng LCI-MD 301 Philippines, iprinoklama

Mga waging district governor, FVDG, SVDG ng LCI-MD 301 Philippines, iprinoklama

May 24, 2020 @ 2:29 AM 5 days ago

  •  
  •  
  •  
Share

Manila, Philippines – Agad isinagawa ang proklamasyon sa mga nanalong district governor, first vice district governor at second vice district governor para sa Lion Year 2020-2021 ng Lions Clubs International-Multiple District 301 Philippines makaraan ang canvassing sa ginanap na online election, Sabado, Mayo 23, 2020.

Pinangunahan ni MD 301 Philippines Council Chairman, Past International Director Michael S. So, 451PMJF at Second Century Ambassador, ang proklamasyon na ginanap sa tanggapan ni MD 301 Council Secretary, District 301-D1 District Governor Santy B. Morante, Jr., PMJF, sa Kamuning, Quezon City na napanood sa buong Pilipinas via Facebook live.

Nanguna sa mga iprinoklama ang mga nanalong kandidato mula sa District 301-A2 na sina Department of Environment and Natural Resources Usec. Benny D. Antiporda, PMJF, ng Pasay City Host Lions Club, MJF, bilang district governor-elect; Ma. Jesusa W. Antiporda, PMJF, ng PCHLC, bilang first vice district governor-elect; at Commodore Amado Sanglay, MJF, ng Cavite Port San Felipe Lions Club, bilang second vice district governor-elect.

PORMAL nang iprinoklama ni Lions Clubs International Multiple District 301 Philippines Council Chairman, PID Michael S. So, 451PMJF at Second Century Ambassador, si DENR Usec. Benny Antiporda, PMJF, bilang District 301-A2 district governor-elect sa katatapos na district online election. 

PINANGUNAHAN ni Lions Clubs International Multiple District 301 Philippines Council Chairman, PID Michael S. So, 451PMJF at Second Century Ambassador, ang proklamasyon ni Lion Ma. Jesusa Antiporda, PMJF, bilang District 301-A2 first vice district governor-elect.

Nabatid na sa naturang eleksyon, tanging ang District 301-A2 ang may labanan sa pagka-second vice district governor kung saan lumamang si Sanglay ng 49 boto laban sa kanyang katunggali na si Lion Wildy Tan ng Batangas MJF Lions Club.

Kasabay nito, inihayag din ni So ang resulta ng ginawang botohan hinggil sa mahalagang pagbabago o rebisyon sa District Constitution and By-Laws na sinang-ayunan ng 191 botante habang 62 ang ‘di sumang-ayon at dalawa ang blangko.

Batay ito sa isinumiteng dokumento ni District 301-A2 Nomination Committee Chairperson PDG Ramon Cariño na pinatotohanan ni Cabinet Secretary Rosario Sarao sa pamamagitan ng email.

Sa District 301-A3, iprinoklama sina Paulina Tan bilang district governor-elect at Walter Santillan bilang FVDG-elect.

Habang sa District 301-A4, proklamado naman bilang district governor-elect si Alexander Sulu.

Sa District 301-B1, iprinoklara sina Alfonso de Ocampo, Jr., ng Iloilo City Metro Lions Club bilang district governor-elect; Ramon Manojo, MJF, ng Bacolod City Host Lions Club, FVDG-elect; at Roman Peñaranda ng Pototan Lions Club, SVDG-elect.

Samantala, iprinoklama rin ang iba pang nagsipagwagi sa naturang online election na ginamitan ng election runner na sina District 301-B2 District Governor–elect Jude Abenoja, 3PMJF, ng Ormoc City Lions Club; FVDG-elect Rogelio Alegarbes ng Cebu Magino-o Lions Club; at Rodolfo Juan ng Dumaguete City Host Lions Club bilang SVDG-elect.

Prinoklama rin para sa District 301-C sina District Governor-elect Robert Ranchez ng La Union Lions Club; FVDG-elect Ramil Lacambra, ng Hundred Island Lions Club; at SVDG-elect Mark Jefferson Ng, ng Baguio City Host Lions Club.

Sa District 301-D1naman, iprinoklama rin sina Lion Librada Pingol, MJF, ng Valenzuela Host Lions Club, bilang district governor-elect; Bernardo Cruz, MJF, ng Angeles Lions Club, FVDG-elect; at Cesar Santiago, MJF, ng Olongapo New Horizon Lions Club bilang 2nd vice district governor-elect.

District 301-D1 District Governor-elect Librada Pingol

Sa District 301-D2, iprinoklama rin sina Raymundo Abuel, Jr., ng Marikina Valley Host Lions Club bilang district governor-elect; Tomas Gualberto Meneses, ng Pasig Host Lions Club bilang FVDG-elect; at Roehl Castro ng Quezon City Kawilihan Lions Club bilang SVDG-elect.

Sina District 301-D2 SVDG-elect Roehl Castro at District 301-D2 District Governor-elect Raymundo Abuel, Jr.

Samantalang sa District 301-E, iprinoklama naman sina Jocelyn Tan-Malack Tan, ng Bukidnon Pulangui River Lions Club bilang district governor-elect; Charles Darwin Javellana, ng Davao City Host Lions Club, bilang FVDG-elect; at William To ng Zamboanga City Lions Club bilang SVDG-elect.

 

Kaugnay nito, iprinoklama rin ni So ang mga nanalong District 301-A2 Leo officers para sa LY 2020-2021 na sina Leo Benjamine Antiporda, ng Pasay City Leo Club, bilang district leo president-elect; Vanessa Sibya, ng Makati Leo Club bilang first vice president-elect; at Renzoval Rebucan Escanlar, ng San Pedro Sto. Sepulchro Leo Club bilang second vice president-elect. LYDIA BUENO

Share

Leave a Reply

Loading...